आठवण

 सखे हे अचानक, कसे आज व्हावे

तुझ्या आठवांचे काहूर यावे 

कशा गाठी त्या अन्, कशा भेटी होती

कधी तो सिनेमा, कधी नाटके ती

नव्यानेच मी ते, पुन्हा आठवावे

तुझ्या वागण्याचे, हसू आज यावे

हाती तिकिटे, मी वाट पाही

अन् तू कधीही, वेळेत नाही

येणे उशिरा नी, जाण्याची घाई

अशी भेट अपुली, अर्धीच होई

पुन्हा भेटू तेव्हा, जरा वेळ काढू

तुझे बोलणे हे, मला मान्य होई 

कधी व्यस्त तू अन्, कधी व्यस्त मीही

मनासारखे, बोलणे होत नाही 

संवाद थोडा, तरी हे सत्य आहे

तुझ्या सोबती हा, सखा नित्य आहे.